Qëllimi i Profilit të Programit

Qëllimet e Përgjithshme

• Sigurimi i cilësisë në procesin mësimdhënie–mësimnxënie.
  • Ofrimi i mbështetjes profesionale në fushën juridike.
  • Rishikimi dhe përmirësimi i vazhdueshëm i planprogrameve dhe syllabuseve të lëndëve.
  • Nxitja dhe motivimi i nxënësve/studentëve më të dalluar.
  • Forcimi i bashkëpunimit me institucionet relevante vendore dhe ndërkombëtare.
  • Hapja e programeve të reja studimore.
  • Inkurajimi i punës vullnetare në komunitet.

Vizioni

Fakulteti Juridik i Universitetit “Ukshin Hoti” në Prizren, si institucion i arsimit të lartë, synon të ofrojë dije cilësore në fushën e drejtësisë për studentët e komunitetit të cilit i shërben.
Ai synon thellimin e bashkëpunimit me komunitetin qendror dhe lokal, me organet gjyqësore, prokurorinë, avokatinë, institucionet ekzekutive si dhe me shoqërinë civile.

Ky vizion ka për qëllim ta shndërrojë Fakultetin Juridik në një vatër të aftësimit profesional, dijes dhe vlerave të mira, në funksion të formimit të gjeneratave të reja të kualifikuara.

Objektivat

Plani mbështetet në këto pika:

• Forcimin e subjektivitetit dhe pjesëmarrjes së studentëve në proceset vendimmarrëse.
  • Lehtësimin e procedurave administrative duke eliminuar pengesat burokratike përmes ofrimit të qasjes elektronike.
  • Komunikim të vazhdueshëm ndërmjet profesorëve dhe studentëve, si në formë fizike ashtu edhe elektronike.
  • Shfrytëzimin e platformave SMU, Classroom, Google Meet etj., për menaxhimin efikas të procesit mësimor.
  • Përshtatjen dhe aplikimin e metodave bashkëkohore të mësimdhënies dhe mësimnxënies.
  • Krijimin e një Zyre të Karrierës për ofrimin e udhëzimeve dhe mbështetjes profesionale për stafin akademik dhe administrativ.
  • Themelimin dhe funksionalizimin e Institutit për Studime Juridike dhe Politike.
  • Bashkëpunimin dhe lidhjen e marrëveshjeve dhe memorandumeve me institucione dheinstitute kërkimore–shkencore brenda dhe jashtë vendit (ndërkombëtarizimi).
  • Themelimin e Klinikave Juridike.
  • Krijimin e një biblioteke digjitale me mundësi qasjeje përmes ID-kartelave të studentëve dhe stafit akademik.

1. VLERËSIMI I PROGRAMIT

Tabela ii.1: Programi studimor ‘‘ Juridik i Përgjithshëm ’’ (BSC), ri/akreditim

Programi i studimit bachelor, synon t’i përgatis studentët me njohuri dhe aftësi drejt një profesioni apo licence profesionale me aftësim bazë për punë kërkimore si dhe aftësim të përgjithshëm për tregun e punës.
Objektivat e këtij programi konsistojnë në fitimin e njohurive profesionale të cilat arrihen përmes arsimimit bazik të përgjithshëm për formimin e studentëve si profesionist të ardhshëm për të ushtruar veprimtarinë e tyre në kuadër të sistemit juridik si avokat, noter, përmbarues, prokuror, gjyqtar, etj.

Programi bachelor ofron mundësi konkretizimi të njohurive teorike përmes lëndëve klinike juridike të cilat janë pjesë e kurikulës dhe ligjërohen e demonstrohen përmes simulimeve të rasteve praktike nga ekspert e fushës së drejtësisë në bashkëpunim me studentët. Njohuritë dhe përvoja e fituara nga këto kurse janë të përfshira në kreditë (ECTS) e lëndëve përkatëse.
Këtë pjesë të mësimit teorik dhe praktik fakulteti e realizon përmes organizimit të simulimeve të rasteve gjyqësore dhe pjesëmarrjes së drejtpërdrejt të studentëve në institucionet e sistemit të drejtësisë, të cilat janë të rregulluara nëpërmjet memorandumeve me institucionet relevante.

Fakulteti Juridik i Universitetit “Ukshin Hoti” në Prizren në agjendën e zhvillimit të vet një prej prioriteteve ka edhe bashkëpunimin ndërkombëtar. Në këtë kontekst modeli i përdorur për zhvillimin e këtij programi të studimeve ishin planprogramet mësimore të Fakulteteve të Drejtësisë në Universitetet e Graz-it, Tübingen-it dhe Heidelberg-ut.

Mundësitë e implementimit konkret të një bashkëpunimi ndërkombëtar, p.sh. nëpërmjet të shkëmbimit të profesorëve vizitor do të elaborohen më shumë në fazat e mëvonshme.

Në kuadër të marrëveshjeve të bashkëpunimit në mes të Universitetit “Ukshin Hoti” të Prizrenit dhe universiteteve tjera synohet të gjenden partnerët përkatës me Fakultetin Juridik.

Krahasueshmëria ndërkombëtare e programit

Table 1.4.1: Krahasueshmëria me programet ndërkombëtare të studimit