Master

You are here:

Ballina
Master

kthehu mbrapa

Qeverisja Demokratike dhe Sundimi i Ligjit

Orari i Ligjeratave

Orari i Provimeve

Syllabuset

Arkivi (Temat e Diplomimit)

Qeverisja Demokratike dhe Sundimi i Ligjit (Master) LLM

Programi studimor master “Qeverisje Demokratike dhe Sundimi i Ligjit” program i nivelit të shtatë (7) të studimeve, është hartuar në përputhje me kërkesat e përcaktuara në nivelin 7 (shtatë) të Kornizës Kombëtare të Kualifikimeve dhe në harmoni me kërkesat e Kornizës për Kualifikimet e Zonës Evropiane të Arsimit të Lartë.

Ky program ka gjithsej 60 ECTS, të shpërndara në lëndë obligative dhe lëndë zgjedhore si dhe në temën e diplomës. Programi zgjat një (1) vit, përkatësisht dy (2) semestra. Rezultatet e të nxënit përkitazi me këtë program studimi kanë për qëllim të përmbushin kërkesat e nivelit të 7 të kualifikimit në drejtim të aftësimit me njohuri të specializuara, shkathtësive dhe kompetencës, të cilat do të shërbejnë për analizimin dhe zgjidhjen e problemeve në tregun e punës dhe në zbatimin e këtyre njohurive në punë hulumtuese.

Misioni i Programit:

Programi studimor master “Qeverisje Demokratike dhe Sundimi i Ligjit” është program konkurues dhe inovativ i cili ka për qëllim të ofrojë edukim cilësor, kërkime shkencore dhe kontribut në komunitet, duke përgatitur kuadro nga fusha e qeverisjes demokratike dhe sundimit të ligjit, të cilët do të shërbejnë në institucionet publike, sektorin privat dhe në komunitet.

Vizioni i Programit:

Vizioni i programit studimor master “Qeverisje Demokratike dhe Sundimi i Ligjit”, synon të jetë lider në rajon në fuqizimin e vlerave demokratike dhe shtetit të së drejtës për një shoqëri ku respektohen liritë dhe të dhe të drejtat e njeriut dhe sundimi i ligjit.

Programi studimor është hartuar bazuar në misionin dhe vizionin e programit si dhe rezultatet e të nxënit të programit studimor. Programi studimor është ndarë në dy semestra, të përbëre nga 14 (katërmbëdhjetë) lëndë studimi, nga të cilat 8 (tetë) janë obligative dhe (gjashtë) 6 janë zgjedhore dhe tema e diplomës për studimet master. Përcaktimi i lëndëve obligative dhe lëndëve zgjedhore është bërë me qëllimin arritjen e rezultateve të të nxënit të programit studimor, si në përgatitjen e profilit profesional ashtu edhe në profilin kërkimor.

Rezultatet e të nxënit:

identifikon konceptet dhe parimet e qeverisjes dhe sundimit të ligjit;
kupton rëndësinë e sundimit të ligjit për institucionet dhe kontributin e tyre për zhvillimin e shoqërisë;
identifikon rolin e akterëve lokal, regjional dhe ndërkombëtar në qeverisjen dhe sundimin e ligjit;
klasifikon format e qeverisjes demokratike;
krahason modelet e qeverisjes dhe rolin e tyre në shoqëri;
dallon shtyllat e sundimit të ligjit në një shtet demokratik;
analizon raportin ndërmjet sundimit të ligjit dhe shkallës së garantimit të lirive dhe të drejtave të njeriut;
analizon, vlerëson dhe monitoron strategjitë ligjore nga perspektiva e qeverisjes dhe sundimit të ligjit;
demonstron shkathtësitë dhe njohuritë në fushën e qeverisjes dhe sundimit të ligjit;
zgjidh probleme dhe merr vendime në pajtueshmëri me perspektivën e qeverisjes dhe sundimit të ligjit;
zhvillon dhe prezanton projekte kërkimore me standarde profesionale;
aplikon masat për garantimin qeverisjes demokratike dhe sundimit të ligjit;

Fakulteti Juridik i Universitetit “Ukshin Hoti” në Prizren në agjendën e zhvillimit të vet një prej prioriteteve ka edhe bashkëpunimin ndërkombëtar. Në këtë kontekst modeli i përdorur për zhvillimin e këtij programi të studimeve ishin planprogramet mësimore të Fakulteteve të Drejtësisë në Universitetet e Graz-it, Tübingen-it dhe Heidelberg-ut.

Mundësitë e implementimit konkret të një bashkëpunimi ndërkombëtar, p.sh. nëpërmjet të shkëmbimit të profesorëve vizitor do të elaborohen më shumë në fazat e mëvonshme.

Në kuadër të marrëveshjeve të bashkëpunimit në mes të Universitetit “Ukshin Hoti” të Prizrenit dhe universiteteve tjera synohet të gjenden partnerët përkatës me Fakultetin Juridik.

Qeverisja Demokratike dhe Sundimi i Ligjit (Master) LLM

Vendim - Ligjerimin e lendës ``Ballafaqim me të Kaluarën dhe Ndërtimi i së Ardhmës`` në gjuhën Angleze

Kurrikula e programit studimor “Qeverisje Demokratike dhe Sundimi i Ligjit”